Hiqildoqning qon bilan ta’minlanishi
Hiqildoqning qon bilan ta’minlanishi
Embedded Files
Hiqildoqni yuqori va pastki hiqildoq arteriyalar (a.laryngea superior et a. laryngea inferior) qon bilan taʼminlaydi. Yuqori hiqildoq arteriyasi yirikroq boʻlib, u yuqori qalqonsimon arteriya (a.thyreoidea superior) ning shoxchasi. Yuqori qalonsimon arteriya odatda tashqi uyqu arteriyadan,baʼzan bifurkatsiya yoki umumiy uyqu arteriyadan boshlanadi; pastki hiqildoq arteriyasi qalqonboʻyinpoyasining (truncus thyreocervicalis) shoxchasi boʻlgan a.thyreoidea inferior dan boshlanadi. Yuqori hiqildoq arteriyasi qalqon-til osti membranasidan oʻtib hiqildoq ichida kichik shoxchalarga boʻlinadi. Undan yana bitta shoxcha – a. laryngea media ajralib, konik boylam (lig. thyreocricoidea) oldida qarama-qarshi tomondagi shu nomli arteriya bilan anastamoz hosil qiladi. Pastki hiqildoq arteriyasi hiqildoq sohasiga hiqildoq osti asab tolasi bilan birga keladi. Hiqildoqdan vena qoni halqum, til va boʻyin vena chigallari bilan bogʻlanadigan qator chigallar orqali chiqarilib, u asosan yuqori qalqonsimon vena orqali ichki boʻyinturuq venaga quyiladi.
Ovoz burmalari hiqildoq limfa tizimini yuqori va pastki ikki qismlarga boʻladi. Hiqildoq qorinchalari va yuqori boʻlimining shilliq pardasi sohasida limfa toʻri yaxshi rivojlangan boʻlib, limfa bu maydon va hiqildoqning oʻrta boʻlimidan ichki boʻyinturuq vena boʻylab, ayniqsa umumiy uyqu arteriyaning boʻlinishi hamda m.digastricus ning orqa qorinchasi sathida joylashgan boʻyinning chuqur limfa tugunlariga oqib tushadi. Hiqildoqning pastki boʻlimidan esa limfa lig.conicum oldida va ichki boʻyinturuq vena boʻylab joylashgan traxeya oldi limfa tugunlariga quyiladi.
Page updated
Google Sites
Report abuse