Ichki quloq

Ichki quloq (auris interna), yaʼni labirint juda murakkab tuzilgan. U suyakli labirint va uning ichida joylashgan pardali labirintdan tuzilgan.

Suyakli labirint chakka suyagining toshsimon qismi (pars piramida) ichida joylashgan.

U uch boʻlimdan tashkil topgan

• chigʻanoq (cochlea);

• dahliz ( vestibulum);

• yarim doira kanallar (canalis semicircularis).

Suyakli labirintning ichi – perilimfa, pardali labirintning ichi – endolimfa suyuqligi bilan toʻlgan. Perilimfa oʻz ion tarkibi bilan miya suyuqligini eslatsa, endolimfa – hujayra ichi suyuqligiga oʻxshaydi. Perilimfa dahliz suv oqavasi orqali miya suyuqligi bilan tutashadi. Shu tufayli meningit kasalligida infeksiya ichki quliqqa va aksincha, labirintitlarda bosh miya pardalariga tarqalishi mumkin.