VI bosqich. Burun va burun yondosh boʻshliqlarining rentgenografiyasi
VI bosqich. Burun va burun yondosh boʻshliqlarining rentgenografiyasi
Embedded Files
Rentgenografiya boʻshliqlar bor-yoʻqligini, ularning hajmi va oʻlchamini aniqlashga yordam beradi va amaliyotda keng qoʻllanadi.
Rentgenografiya tekshiruvining quyidagi usullari amalda keng qoʻllaniladi:
Burun -peshona yoʻnalishda bajarilgan rentgenografiya tekshiruvida bemorning peshonasi va burnining uchi kasetaga tegib turishi lozim. Rentgen tasvirida peshona boʻshliqlar aniq, gʻalvirsimon va yuqori jagʻ boʻshliqlari xiraroq koʻrinadi. Bunda nyrprotuberancia occipitalis externa dan yoʻnaltiriladi.
Burun-iyak yoʻnalishda bajarilgan rentgenografiyada bemor kasetaga ogʻzini katta ochib oʻtiradi,bunda uning burun uchi,lablari va iyagi kasetaga yengil tegib turishi lozim.Bunday holatda olingan rentgen tasvirda peshona boʻshliqlari, yuqori jagʻ, gʻalvirsimon boʻshliq katakchalari va ponasimon boʻshliq aniq koʻrinadi.
Yon (bitemporal) yoʻnalishda bajarilgan rengenografiyada bemor boshining sagital yuzasini kasetaga parallel joylashtiradi. Rentgen nuri quloq suprasi dumboqchasidan 1,5sm oldinda frontal yoʻnalishda oʻtadi. Bunday rentgen tasvirida peshona va ponasimon boʻshliqlar aniq koʻrinadi, gʻalvirsimon boʻshliqlarining yon tomonining aksi biroz xiraroq koʻrinadi. Ammo bu proeksiyada boʻshliqlarning aksi bir-biri ustiga tushib, qaysi tomondagi boʻshliq zararlanganligi haqida maʼlumot olish imkonini bermaydi.
Aksial yoʻnalishda bajarilgan rentgenografiyada bemor boshini orqaga tashlagan, ensa sohasi kasetaga tekkan holda chalqancha yotqiziladi. Bu holatda iyak sohasi gorizontal tekislikda joylashib, rentgen nuri qalqonsimon bezning yuqori kesmasiga toʻgʻri vertikal yoʻnalishda oʻtadi. Bunday yoʻnalishda ponasimon boʻshliqlar aniq koʻrinadi.
Amaliyotda burun-iyak yoʻnalishi keng qoʻllaniladi. Rentgenogrammaga baho berilganda boʻshliqlarning hajmi bir-biriga taqqoslanadi; boʻshliq qancha katta boʻlsa, uning havoliligi, yaʼni pnevmatizasiyasi shuncha yaxshi boʻladi. Rentgenografiya tekshiruvi burun yondosh boʻshligʻida ekssudat, shilliq pardasi qalinlashganligi, polip yoki kista borligini aniqlash imkonini beradi. Kichik boʻshliq doimo xiraroq koʻrinadi.
Page updated
Google Sites
Report abuse